প্ৰাকৃতিক দুৰ্যোগ , বিজ্ঞান , পঞ্চম শ্ৰেণী

বায়ুৰ ধৰ্ম

পাঠ্যপুথিৰ পৃষ্ঠাসংখ্যা -  49/50

1. প্ৰাকৃতিক দুযোৰ্গ কাক বোলে? উদাহৰণ দিযাঁ৷ 

উত্তৰ - হঠাতে প্ৰাকৃতিকভাৱে ঘটা মানুহে নিয়ন্ত্ৰণ কৰিব নোৱাৰা ঘটনাবোৰকে প্ৰাকৃতিক দুযোৰ্গ বোলে৷ 

যেনে - বানপানী, ধুমুহা, ভূমিকম্প, খৰাং আদি৷ 

বানপানী কি? 

উত্তৰ - চাৰিওদিশে ঠাইবোৰ পানীৰে বুৰাই পেলোৱাকে বানপানী বুলি কোৱা হয়৷ 

2. বানপানীৰ কেইটামান কাৰণ লিখাঁ৷ 

উত্তৰ - বানপানীৰ কেইটামান কাৰণ তলত দিয়া ধৰণৰ -

    (i) অত্যধিক বৰষুণৰ বাবে নদীৰ পানী ওপৰলৈ উঠি অহাৰ ফলত বানপানী হ’ব পাৰে৷ 

    (ii) কেতিয়াবা নদীৰ কোনো অংশ বাম হ’লে সেই ঠাইৰ পানী উপচি কাষৰ ঠাইবোৰত বানপানী হয়৷ 

    (iii) অত্যধিক উষ্ণতা বৃদ্ধিৰ ফলত পবৰ্তৰ বৰফ গলি বানপানীৰ সৃষ্টি হয়৷ 

    (iv) কেতিয়াবা নদীৰ বান্ধ ভাগিও বানপানীৰ সৃষ্টি হয়৷ 

4. বানপানীৰ কেইটামান কুফল লিখাঁ৷  

উত্তৰ - বানপানীৰ কেইটামান কুফল তলত দিয়া হ’ল -

    (i) বানপানীৰ ফলত জন-জীৱন বিপৰ্যস্ত হয়৷ 

    (ii) বানপানীৰ কবলত বহু লোকৰ মৃত্যু হয়৷ 

    (iii) বানপানীৰ ফলত সা-সম্পত্তি বিনস্ত হয়, খেতি-শস্য বিনষ্ট হয়৷ 

    (iv) বানপানীৰ সময়ত বহুদিনলৈ পানী জমা হৈ পৰিৱেশ দুৰ্গন্ধময় হয়, আৰু তাত বেমাৰৰ বীজাণু উৎপন্ন হোৱাৰ ফলত মানুহবোৰ কলেৰা, মেলেৰিয়া, ডেংগি আদি ৰোগত আক্ৰান্ত হয়৷ 

    (v) বানপানীৰ ফলত প্ৰিত বছৰে বহু জীৱ-জন্তুৰ মৃত্যু হয়।

5. বানপানীৰ এটা সুফল লিখাঁ৷ 

উত্তৰ - বানপানীৰ এটা সুফল হ’ল যে ই পাহাৰীয়া ঠাইৰ মাটি সমতল ঠাইলৈ উটুৱাই আনি ভৈয়ামৰ অঞ্চলবোৰ সাৰুৱা কৰাত সহায় কৰে৷ 

6. বানপানী নিয়ন্ত্ৰণৰ দুটা উপায় লিখাঁ৷ 

উত্তৰ - বানপানী নিয়ন্ত্ৰণৰ দুটা উপায় হ’ল -

(i) গছ-ঘছনি ৰোপণ কৰি বানপানী নিয়ন্ত্ৰণ কৰিব পাৰি৷ 

(ii) মাথাউৰি বান্ধিলেও বানপানী নিয়ন্ত্ৰণ হয়৷

পাঠ্যপুথিৰ পৃষ্ঠাসংখ্যা - 52

8. যথেষ্ট খৰাং হোৱা ভাৰতবৰ্ষৰ কেইখনমান ঠাইৰ নাম লিখাঁ৷ 

উত্তৰ - যথেষ্ট খৰাং হোৱা ভাৰতবৰ্ষৰ কেইখনমান ঠাইৰ নাম হ’ল ৰাজস্থান, গুজৰাট, মধ্যপ্ৰদেশ আদি৷

9. খৰাং হোৱাৰ এটা কাৰণ লিখাঁ৷ 

উত্তৰ - হাবি, জংঘল, গছ-গছনি কাটি নোহোৱা কৰা ঠাইবোৰত বৰষুণৰ পৰিমাণ খৰাং হয়৷ 

10. খৰাং হোৱাৰ ফলত আমাৰ কি কি ক্ষতি হয়?

উত্তৰ - খৰাং হোৱাৰ ফলত হোৱা ক্ষতিবোৰ হ’ল -

(ক) খেতিয়কসকল খেতি কৰাৰ পৰা বঞ্চিত হয় আৰু ফলত খাদ্য শস্য, শাক-পাচলি, ফল-মূল আদিৰ নাটনি হয়৷

(খ) জনসাধাৰণ পানীৰ অভাৱত ভোগে৷

(গ) পানীৰ অভাৱত জীৱ-জন্তু, গছ-গছনিৰ অপমৃত্যু হয়৷

পাঠ্যপুথিৰ পৃষ্ঠাসংখ্যা - 53

11. ভূমিকম্পৰ মাত্ৰা জোখা যন্ত্ৰটোৰ নাম কি?

উত্তৰ - চিছ্ম'গ্ৰাফ

পাঠ্যপুথিৰ পৃষ্ঠাসংখ্যা - 54

12. ভূমিকম্পৰ জোঁকাৰণিৰ তীব্ৰতা কিহৰ সহায়ত জোখা হয়?

উত্তৰ - ৰিখ্টাৰ স্কেল